Ziholwa wuSjava noKelvin Momo kumaSAMA

IZOMENYEZELWA ekuhambeni kwesikhathi eminye iminxa emihlanu, okuqokwe kuyo abaculi bakuleli emcimbini amaSouth African Music Awards (SAMA), alo nyaka.

Lo mcimbi ozoba ngoka-31 kulo nyaka, kulindeleke ukuthi ube ngoNovemba nonyaka.

Emcimbini wayizolo kumenyezelwe iminxa engu-25 kuphela, okulindeleke ukuthi eminye imenyezelwe ekuhambeni kwesikhathi.

Bathe lena emihlanu abayigcinile ngemikhulu abafuna ukuthi babange ngayo umsindo njengoba kusasele izinyanga ezimbalwa kube nomcimbi.

USjava, Kelvin Momo neBlack Motion yibona abahamba phambili ngokuqokwa kulo mcimbi.

USjava uqokwe emunxeni iBest Afro Pop Album ngengoma yakhe ethi Isibuko waphinda kuwona lo munxa waqokwa ngengoma yakhe ethi Inkanyezi. Uphinde wavela emunxeni iBest Engineered Album ngengoma ethi Isibuko.

UKelvin Momo uqokwe kabili emunxeni iBest Amapiano Album, ngengoma ethi Sewe nethi Momo Letwaba. Uphinde waqokwa emunxeni iBest Collaboration ngengoma ethi Waze Wamuhle.

IBlack Motion iqokwe emunxeni iBest Collaboration, Best Dance Album neBest Engineered Album.

U-Unati Gwija, okhulumela amaSAMA, uveze ukuthi indlela abakhetha ngayo abaqokiwe abagcini nje ngokuzwa umculo walelo ciko kodwa babheka nohambo eluluhambile. 

“Lo mcimbi ulokhu uhambe njalo phambili ngokuhlonipha amaciko emculweni, ngakho nowalo nyaka awuhluke ngalutho njengoba uzoba mkhulu futhi ugqamise ubuhle bomculo esinawo. Sihlale sisho ukuthi wumcimbi ongewona nje owomculo kuphela kodwa ukhombisa uthando unyaka nonyaka,” kusho yena.

Eminye iminxa imi kanje:

Best Dance Album 

The Cradle Of Art-Black Motion 

 FINALLY FAMOUS TOO-Dlala Thukzin 

 Cr4zy!!.. -MÖRDA 

 Dreaming - Shimza 

 Caiiro-Caiiro

Best Maskandi Album 

Ngathi Nguye - Umafikizolo

 iPolotiki - Phuzekhemisi

Angidlali Nezingane - Khuzani

Alingeni - Ntencane

Amathambo Kagogo - Imithente

Best Produced Music Video

Umbuzo - Soa Mattrix

Gucci - Mthandeni SK ft MaWhoo

Tshwala Bam (Remix) - TitoM and Yuppe

South - Blxckie

Shekhinah ft Moliy - Risk Shekhinah

Best Traditional Faith Music Album

Uyinqaba Yam (Jehovah Nissi) - Betusile 

The Journey (Part 1) - ebs David

The Full Circle Revival -  Malusi Mbokazi 

Rofhiwa Dzina- Rofhiwa Manyaga 

According to Grace, A One Man Show -  Ayanda Ntanzi