Ubuyela enkantolo obhekene nelokushaya isoka
|Published
Ubuyela enkantolo owayengumsakazi woKhozi FM uSiya Mhlongo
Image: Facebook
LIBUYELA eNkantolo yeMantshi yaseThekwini icala lokushaya ngenhloso yokulimaza elibhekene nosanda kukhonjwa indlela kuKhozi FM, uSiyabonga "Siya" Mhlongo.
Lo mzalwane osindisiwe usolwa ngokushaya owesilisa owayeyisinqandamathe sakhe, bebuya kozitika ngezinkamba zikaFaro kuFlorida Road eThekwini nyakenye.
Osathula ubufakazi ngummangalelwa. USiya ubesakaza uhlelo olusihloko sithi Ubusuku Obuhle phakathi nezinsuku ngo-8 ebusuku. Isikhala sakhe kulolu hlelo savalwa ngobenguzakwabo, uNkosinathi Mshengu.