UBUHOLI obusha be-ANC KwaZulu-Natal, bumemezele ukuthi buzovakashela owayengumengameli uMnuz Jacob Zuma, emzini wakhe eNkandla ngeSonto.
Isitatimende se-ANC siveza ukuthi abaholi bazohlangana noZuma ngo-2 ntambama emzini wakhe babhunge ngezindaba zombutho bathole nezibusiso zakhe.
Lobu buholi obusanda kukhethwa engqungqutheleni, wuMnuz Siboniso Duma kwesikaSihlalo, iPhini lakhe wuNksz Nomagugu Simelane noNobhala wuMnuz Bheki Mtolo.
KwesePhini likaNobhala kwabuyela uMnuz Sipho Hlomuka bese kwesikaMgcinimafa kwangena uDkt Ntuthuko Mahlaba. Bonke laba baholi bakhethwe engqungqutheleni ye-ANC esifundazweni ebingoJulayi nonyaka eThekwini.
I-ANC KwaZulu-Natal yamemezela ukuthi izohmabela bonke abebengomengameli be-ANC ukuze bathoe izeluleko. Udaba lukaZuma lulokhu luyindaba egudwini njengoba kukhna abakholwa wukuthi akaphathwanga ngendlela. Kunenkolelo yokuthi ukwehla kokwesekwa kwe-ANC okhethweni kuhambisana nokushushiswa kukaZuma.