Sigubha Iminyaka Engu-21 Womthelela Wombono We-Dut Wezinto Ezintsha Nobungcweti

Kulo nyaka iDurban University of Technology (DUT) igubha ngokuziqhenya iminyaka engu-21 ngamagalelo ayo emfundweni ephakeme eNingizimu Afrika.

Kusukela yasungulwa ngo-2002, ngokuhlanganiswa kwe-ML Sultan Technikon ne-Technikon Natal, i-DUT isidlondlobale yaba yivulandlela kwezokucwaninga nasekufundiseni. Inamakhampasi ayisikhombisa eThekwini naseMgungundlovu.

I-DUT ihlinzeka ngezinhlelo ezehlukene eminyangweni eyisithupha: Accounting and Informatics, Applied Sciences, Arts and Design, Engineering and the Built Environment, Health Sciences nowe-Management Sciences.

I-DUT Business School, eyingxenye yeFaculty of Management Sciences, igunyazwe ngumkhandlu - iCouncil for Higher Education (CHE) futhi iyilungu leSouth African Business School Association (SABSA).

Ikharikhulamu esetshenziswayo yakhelwe ukukhiqiza abaholi bamabhizinisi ababeka eqhulwini izidingo zemiphakathi.

Isisekelo se-DUT ukuzibophezela okujulile ekusunguleni izinto ezintsha kanye nocwaningo olusezingeni eliphezulu.

Njengoba sigxile ezindaweni ezingu-20 zocwaningo, kusukela kwi-biotechnology kuya ekusimamiseni ezamandla, inyuvesi isaqhubeka nokuhlonishwa ezweni lonke nasemhlabeni jikelele, okuhlanganisa nendondo iFocused Research Advancement Award eyithole kwi-National Research Foundation (NRF).

Ngokusebenza ngohlaka lwamasu lwe-ENVISION2030, olwaqalwa ngo-2020, i-DUT ibumba umphakathi wezemfundo onobuchule, osomabhizinisi nezifundiswa ezingomabizwasabele ezinselelweni zomhlaba.

Lelisu liveza umbono ogqamile wokuguqula impilo nezindlela zokuziphilisa ngemfundo, ukusungula izinto ezintsha ngokuxhumana nemimphakathi.

Isiqubulo senyuvesi esithi "Ukudala. Okuhlukile. Kunomthelela." sikhombisa ngokusobala indlela ethatha ngayo imfundo.

Ngezinkundla ezifana ne-innobiz Centre for Entrepreneurship and Innovation, izitshudeni zithola kokubili - ukuqeqeshwa ngencwadi nangokwenza, okuzihlomisa ukuthi zifike noguquko olungangabazeki emikhakheni ezikuyo.

Ukuphishekela ukwenza kahle kwe-DUT kusaqhubeka nokudlondlobala emhlabeni jikelele.

Ngo-2024, lesi sikhungo besikleliswe endaweni ka-11 kwi-Times Higher Education (THE) ezilinganisweni zamanyuvesi ase-Afrika eseNingizimu, sagcina indawo yaso njengenyuvesi yaseNingizimu Afrika ephezulu kwezobuchwepheshe futhi sahlala endaweni yesihlanu kuzwelonke.

Njengengxenye yokugubha iminyaka engu-21 iDUT imema abafuna ukwenza iziqu zeMasters nezobuDokotela ukuba bafake izicelo, okunemifundaze kwabazophumelela kanti imininingwane itholakala kwisizindalwazi esithi:  https://onlineapps.dut.ac.za. 

Izitshudeni ezifuna ukufunda ezinhlelweni zango-2026 zingafaka izicelo kwiCentral Applications Office. Imininingwane ngazo zonke iziqu ezihlinzekwa yi-DUT, itholakala ku: www.dut.ac.za

DUT ENVISION2030.  UKUDALA. OKUHLUKILE. KUNOMTHELELA.