AMALUNGU enkampani yonogada iReaction Unit South Africa (RUSA) abizelwe KwaMamba ezitolo ngemibiko yebhasi elimi kabi emgwaqweni ngo-05:34 ngoMsombuluko.
Ngesikhathi befika onogada, bathole umshayeli webhasi okungowesilisa oneminyaka engu-33 edindilizile enamanxeba okudutshulwa.
Imibiko evela endaweni yesehlo ithi kunabasolwa abathathu abebehamba ngemoto yohlobo lweToyota Etios abadubule lo mshayeli ngaphambi kokuba babaleke.
Amalungu omphakathi abone abagibeli behla ebhasini bethukile. Imbangela yokuhlaselwa komshayeli kayaziwa, amaphoyisa ayaphenya.
