ISIPHINDE yadliwa amasongo kaSigonyela inkosi yabaThembu uBuyelekhaya Dalindyebo, kulandela imibiko ethi ivuke indlobane yasho ukuqeda umndeni wayo ngembazo nommese esigodlweni sayo eBumbane ngoLwesihlanu ekuseni.
Inkosi iboshwa nje isanda kudedelwa ngoshwele ezinyangeni ezedlule. Imibiko ithi inkosi ibisho ukuqeda undlunkulu wayo nendodana yayo ebibambe isikhundla u-Azenathi.
Kuthiwa ibithumbe indodana nondlunkulu ibesabisa ngesiheshe sommese. Ayigcinananga lapho njengoba imibiko ithi ibiphihliza izinto esigodlweni sayo icasuke iveva. Kuvela nokuthi kusize ukuthi indodana yakhe iphume ngewini yamba yambulula ngejubane. isolezwe lihabule nokuthi inkosi ibivele ilokhu ingathintwa ikhombisa ulaka kubobonke abebezama ukuyikhulumisa.
Imininingwane eminingi ibingakacacai ngokuthi bekubangwa ini nokuthi wubani olimele. Kuthiwa kubizwe amaphoyisa ngokushesha afika ayithatha inkosi. Kuzokhumbuleka ukuthi ibidonsa iminyaka engu-15 ngamacala okuthumba, ukushisa, ukubulala ngokungenhloso nokuphazamisa ukusebenza kwengalo yomthetho.