Injabulo kumenyezelwa ama-Metropolitan Collective Shapers
OSOMABHIZINISI abayishumi abakhethwe wukuba ama-Metropolitan Collective Shapers
Image: Nonkululeko Nhlapo
BAKUTHAKASELE ukuba yingxenye yomkhankaso wokucathuliswa osomabhizinisi abayishumi abathulwe koweMetropolitan Collective Shapers eSandton, eGoli.
Lo mkhankaso ubanjwa minyaka yonke ngenhloso yokukhetha osomabhizinisi embonini yezolimo wezokuThutha ukuze bathole ithuba lokuxhumana nezazi ezimkantshubomvu.
Kusukela ngo-Oktoba 2025, osomabhizinisi abafaka izicelo bathole ithuba lokuxhumana nezazi zamabhizinisi ukubhekelela ngolwazi nokubaqeqesha ekukhuliseni amabhizinisi abo, nolwazi lobuholi, ukufunda indlela yokukhulisa nokusebenzisa izinhlelo ezizokwazi ukubafakela imali, indlela yokungena emakethe nokugqamisa ibhizinisi ukuze lisabalale ezweni lonke nokuxhumana nabanye osomabhizinisi emkhakheni ofanayo.
ULindiwe Gumede oyisikhulu e-Metropolitan uthe: "Ama-Collective Shapers osomabhizinisi abanogqozi nenjongo engantengantengi ebaqhuba ukuthi benze okuhle emiphakathini yabo. Ngale nkundla, sinikezela ngezinhlelo zethu ezigunyazwe umkhakha weShapers, inethiwekhi namathuba okufinyelela ezimakethe nemadlana ukusiza ebhizinisini labo ukuze basekele ukukhula nokuzinza kwesikhathi eside," usho kanje.
"I-Metropolitan Collective Shapers igxile kakhulu entsheni ngoba sikholelwa ukuthi ukutshala imali entsheni kutshala esikhathini esizayo. Imininingwane emayelana nokuntuleka kwemisebenzi kwentsha ingokoqobo, yingakho sikholelwa ukuthi ukusebenzisa amandla eqoqo lentsha yethu kutshala imbewu engakhula futhi ikhule kuyo yonke imiphakathi. Ngokusekela osomabhizinisi abasebasha ukuthi babe abaqashi bakusasa, sikhuthaza ukubamba iqhaza kwezomnotho esizweni sonke."
Ama-collective shapers ka-2025 ngo-Aphelele Ndamane umnikazi weBalilethu Livestock, uZwivhuya Mudau umnikazi weVhadau Premium Piggery, uMokgadi Mpya weDitlou M Investments, Bongiwe Nyawose weNyawo Zendalo Air, Bokamoso Dhlamini weBB Africa Produce, UThobani Zungu weNGI4 Press, uMokgadi Ramatladi weMPR- Med Pharmacy, uSiphesihle Sangweni weKate-Mkhipheni Pty Ltd, uMikhaela Brown ongumnikazi weK2020714247 South Africa no-Approved Mache ongumnikazi we Tap Group.
Bonke labo somabhizinisi baqhamuka ezifundazweni ezahlukene bahlomule ngemali engango-R20 000 ezobasiza ngezidingo zamabhizinisi abo.