Basale enkundleni abasolwa ngokuhlupha eMbumbulu

Abasolwa abane abebefunelwa amacala ehlukene abucayi nanodlame badutshulwe bashona ngesikhathi bedubulana namaphoyisa e-Adam's Mission, endaweni yaKwaMakhutha eningizimu yeTheku ngoLwesine ntambama.

Amaphoyisa abeqhuba umkhankaso wobunhloli ngesikhathi ebona imoto ehambisana nencazelo yale esetshenziswa abasolwa ukuhlasela umphakathi waseMbumbulu nakwezinye izindawo ngokuphanga kuhlonyiwe, ukugebenga izindlini, ukuduna izimoto nokuthumba.

Amaphoyisa azame ukumsiza abasolwa emgwaqeni uSheleni kwathi ngesikhathi betholana phezulu ngenhlamvu. Ngemuva kokudubulana, kube sekucaca ukuthi bane abasolwa abadubulekile benamanxeba okudutshulwa. Umsolwa oyedwa usinde ngokulambisa ukuboshwa kanti umthungatha uyaqhubeka. Alikho iphoyisa elilimale ngesikhathi sokudubulana.