Kusungulwe isikhwama sokubuyisa isidumbu sikaBravo le Roux
Umculi waseKapa uBravo Le Roux ongasekho emhlabeni.
Image: Bravo Le Roux / Facebook
Umndeni weciko laseNingizimu Afrika elingasekho uBravo Le Roux, ogama lakhe langempela uSinesipho Peter, wethule umkhankaso weGoFundMe wokuqoqa imali yokubuyisela isidumbu sakhe eNingizimu Afrika.
Lokhu kuza ngemuva kokushona kwalo mrepha eSwitzerland ngoLwesine, mhla ka-22 kuJanuwari 2026, eneminyaka engu-30 ubudala.
Esitatimendeni sangoMsombuluko, unkosikazi kaPeter, uSabrina Peter-Messina (DJ Sab), uthe lesi sikhwama sisungulwe ngenxa yokuthi umndeni ubhekene nezinselelo yemali mayelana nohlelo lokumbuyisa ekhaya.
“Singumndeni kumanje sibhekene nezinselelo ezithinta imizwa, ukusebenza, kanye nezezimali zokubuyisela uBravo eNingizimu Afrika ukuze abekwe ekhaya.
“Ngenxa yalokhu, sekusungulwe isikhwama se-GoFundMe ukuze zithole usizo kulaboo ababuze ngomusa ukuthi bangaseseka kanjani kulesi simo,” kusho yena.