Kumhambela kahle uShinga emshadweni weGPU

UMbali Shinga okunguyena yedwa oyilungu leNational Freedom Party (NFP) elinesihlalo esiShayamthetho  sesifundazwe, uqokwe njengomphathiswa wesikhashana wezeMpilo KwaZulu-Natal.

UShinga okumanje ubhekene nombango wokuqondiswa ubugwegwe eqenjini lakhe ngenxa yokweseka i-Government of Provincial Unity (GPU) phezu komyalelo wokuthi kuvotelwe ukukhishwa kukandunankulu uThami Ntuli. UShinga uzobamba isikhashana engekho uNksz Nomagugu Simelane. Ukuba yibamba kwakhe kwamenyezelwa nguNdunankulu encwadini yangaphakathi yamhla zingu-13  kwephezulu.

“Ngokwesigaba 138 soMthethosisekelo waseNingizimu Afrika, 1996, ngiqoka uNksz C M Shinga, iLungu lesigungu esiphezulu sezokuThuthukiswa koMphakathi, njengeLungu elibambile lomkhandlu ophethe wezeMpilo, kusukela mhla zingu17 Januwari 2026 kuze kube umhla ka-25 Januwari 2026, bese nginika le misebenzi eshiwo uNksz C M Shinga kanye nomkhandlu ophethe.