Kuthungathwa uMaseven ngecala lokubulala amaphoyisa
UNelson Maseven Mathe ofunwa amaphoyisa
Image: SAPS
Amaphoyisa athungatha owesilisa okukholakala ukuthi idabuka eMozambique, uNelson "MaSeven" Mathe.
Kusolwa ukuthi nguyena onesandla ekubulaweni kwamaphoyisa amabili e-Ivory Park, EGauteng ngoNovemba ngonyaka odlule.
La maphoyisa amabili, ayesemsebenzini ngesikhathi, ehlaselwe. Ayehamba eTembisa eqaphe isimo ngase-Extension 9 ngesikhathi ema esitolo ethenga izinto. Kusolwa ukuthi abasolwa abathathu abangaziwa baqhamuke ngasemotweni yamaphoyisa badubula bebhekise emaphoyiseni. Abasolwa babe sebethatha izibhamu zamaphoyisa zomsebenzi base bebaleka ngezinyawo.
Abasolwa ababili basezikhindini, u-Anthon Shilenge, 18, waboshwa ngomhlaka-30 Novemba 2025 emzini osesigcemeni saseMoyeni, eTembisa, kwathi umsolwa wesibili, u-Ally Milambo, 28, waboshwa eMamelodi East ngalo lolo suku. UMilambo utholwe nesibhamu esisodwa sohlobo lwe-9mm okungesikamufi uConstable Montja, kanye nephephabhuku le-R5 elinezinhlamvu ezingu-13. UMilambo wabe esethatha amaphoyisa wawayisa emzini osePhumulamqashi eTembisa, lapho ayefihle khona isibhamu sohlobo lwe-R5, okungesombuso.
Njengamanje amaphoyisa afuna uMaseven okungumsolwa wesithathu, uma kukhona onolwazi ngalo mlisa angaxhumana noLieutenant Colonel Chauke ku-082 413 0208 noma ashayele iCrime Stop @SAPoliceService ku-08600 10111.
Amaphoyisa adutshulwa e-Ivory Park
Image: SAPS