Izindaba

Kunconywe ukuzikhandla kweziqenqe zaseKZN

Nonkululeko Nhlapo|Published

Abafundi baseKZN abaphase ngamalengiso uNonduduzo Mkhize waseFulton School for the Deaf, Amahle Ngidi waseSt Martins, Olwethu Dladla waseTugela Secondary, Thobane Shezi waKwaThintwa School for the Deaf, Asanda Ndlela waseMasibumbane High School, Senamile Tabate waseMathubesizwe Secondary School, Simesihle Khuzwayo waseKing Bhekuzulu High School no-Ethan Naicker wasePort Shepstone Secondary.

Image: Sithunyelwe

Abafundi abayisishiyagalombili base-KZN bebephakathi nontanga yabo bezinye izifundazwe njengoba behlonishwe ngesidlo sasekuseni esiyisipesheli, uNgqongqoshe wezeMfundo eyisiSekelo, uSiviwe Gwarube, kulungiselelwa ukukhishwa kwemiphumela yokuhlolwa kuka-matric.

Phakathi kwabafundi abenze kahle eKZN abahlonishiwe kubalwa uSimesihle Khuzwayo waseBhekuzulu High School, eZululand, u-Amahle Ngidi wase-St. Martin, noThobane Shezi ofunda KwaThintwa School for the Deaf.

Kuphinde kwahlonishwa noNonduduzo Mkhize waseFulton School for the Deaf, Olwethu Dladla waseTugela Secondary School, Asanda Ndlela waseMasibumbane High School, Ethan Naicker wasePort Shepstone Secondary, noSenamile Tabate waseMathubesizwe Secondary School.