Kuthungathwa abahlasele babulala umndeni eMehlomnyama
Kuthungathwa abasolwa abane ababulale umndeni waseMehlamnyama
Image: SAPS / Facebook
Amaphoyisa KwaZulu-Natal aphenya icala lokubulala ngemuva kokubulawa kwamalungu amane omndeni ngoLwesithathu ebusuku, eMehlomnyama, eMdweshule.
Ngokusho kukafakazi, abesilisa abane abangaziwa bakhahlele isicabha sendlu abekuyo nomkhwenyana wakhe. Abesilisa abathathu bebephethe izibhamu, oyedwa ephethe ubhushu. Abasolwa bafune imali, kuthe uma betshelwa ukuthi imali ayikho, bavele badubula bebhekise kumkhwenyana wakhe, 45, ngebhadi bamshiya eshonile.
Abasolwa babe sebemyalela ukuthi abakhombise amanye amalungu omndeni, wakwenza lokho. Ngesikhathi befika endlini enkulu, badubula babulala umama namadodakazi akhe amabili aneminyaka ephakathi kuka-31 no-67.
Abasolwa babe sebebaleka endaweni yesigameko, behamba namaselula amabili.