Ubuyele esitokisini owesifazane osolwa ngokubulala usbali wakhe

Owesifazane oneminyaka engu-29 ubudala, uMelissa Vice, ugcinwe esitokisini kuze kube umhla ka-14 kuJanuwari 2026, mayelana necala lokubulala usbali wakhe, uMnuz Willie Visser, isidumbu sakhe esatholwe ngomhlaka-16 Disemba 2025.

Ngokwemibiko, mhla zinnia Disemba 2025 ngezithuba zabo-12:00, amalungu e-SAPS abizelwe ehlathini lapho okutholakale khona isidumbu endaweni yaseSeekoeiwater, ngaseDoornpoort Sub-Station.

Umuntu obedlula ngendlela ehamba emgwaqeni owubhuqu osuka eBankenveld ebheke esiqintini saseSeekoeiwater ngesikhathi ebona isidumbu sowesilisa sidindilize ehlathini emamitha ambalwa ukusuka emgwaqeni. Wabikela umqashi wakhe, owabe esebikela amaphoyisa. Ngesikhathi amaphoyisa efika, afice umufi elele ngomhlane enemihuzuko ebusweni, ezingalweni nasesiswini. Uphenyo lokuqala luveze ukuthi isidumbu silahlwe kule ndawo, njengoba bekubhekwa amathrekhi amathayi emoto eduze kwalapho kutholwe khona isidumbu. Kusolwa ukuthi umufi ushaywe ngento ebuthuntu, eholele ekufeni kwakhe.

Umufi uhlonzwe njengoMnuz Willie Visser (25). Ngemuva kophenyo, kube sekuboshwa uMelissa ongunkosikazi kamfowabo kamufi, ngomhla ka-24 Disemba 2025. Uvele eNkantolo yeMantshi yaseMalahleni, ebhekene necala lokubulala. Umsolwa ubuyiselwe esitokisini, icala lahlehliselwa umhlaka-14 Januwari 2026 ukuze afake isicelo sebheyili esisemthethweni.