Kuboshwe impunyela ngokushayela ibukhile
Ziyikhalele impunyela ngokushayela ibukhile
Image: Sithunyelwe
Impunyela enamathenda eGoli iyingxenye yabantu abaningi ababoshelwe ukushayela bephuze amponjwana ezindaweni ezahlukene KwaZulu-Natal.
Lokhu kuvezwe uMnuz Siboniso Duma ongumphathiswa wezokuThutha esifundazweni. Amaphoyisa akwaRTI abophe inqwaba yabantu ngamacala okushayela bephuzile ngokushayela budedengu.
KwaDukuza kuboshwe- 39
● Amaphoyisa amabili okukhona phakathi kwawo nelaseGauteng.
● 2 abesifazane nabesilisa 37.
ENewcastle - 36
● Isikhulu sikaMasipala esisodwa
● 3 othisha.
● 1 umhlengikazi.
EPort Shepstone - 20
● Umshayeli obehamba ngemoto enenonbolo yaseGauteng ophinde abe yimpunyela ehlinzeka uhulumeni ngamathenda ezigidi zamarandi.
● 7 abesifazane nabesilisa 13.
UDuma uthi ukuboshwa kwalo macaphuna kusale obeshayela budedengu eqondana nezimoto eziqhamukayo, weqa amarobhothi amane abomvu, wabalekela amaphoyisa akwaRTI wayocasha endlini, kukhombisa ngokusobala ukuthi amaphoyisa azimisele ukubuyisela umthetho nokuhleleka.
"Sithulela isigqoko iphoyisa lesifazane lakwa-RTI elijahe lo mshayeli laze lamubamba lihamba nozakwabo. Laba bobabili babenesibindi futhi bengesabi ukuvikela abasebenzisi bomgwaqo abangenacala."