Kumuke isosha kwaduka elinye ezama ukuwela umfula obungenisile ngemoto
Imoto okuthiwa ibihamba amasosha amuke nomfula eMpumalanga ngoKhisimuzi
Image: X
Umbutho wamasosha akuleli, iSouth African National Defence Force (Sandf), uyaqhubeka nokuthungatha elimuke nomfula obudla izindwani ngesikhathi imoto abehamba ngayo izama ukuwela eMpumalanga ngoKhisimuzi.
Isidumbu selinye isosha elimuke kulesi sigameko sitholakele. Ngokwesitatimende seSandf, amasosha abezulazula eqhuba umkhankaso wokugada imingcele yezwe i-Operation Corona ngesikhathi bevelelwa yingozi.
“Ithimba labatshuzi lamaphoyisa eSouth African Police Service lesekwa yindiza enophephela emhlane yeSandf i-Oryx, liyaqhubeka nokuthungatha ilungu elidukile.”
UNgqongqoshe wezokuVikela uNkk Angie Motshekga nabangaphansi kwakhe kanjalo nomkhuzi wamasosha eSandf uGeneral Rudzzani Maphwanya, badlulise amazwi enduduzo emndenini, abangani nozakwabo besosha elifile. Bazwakalise nokukhathazeka futhi beseka umndeni welidukile.