Izindaba

Kuzohlolwa umonakalo odalwe yimvula ogwini oluseNingizimu

Nonkululeko Nhlapo|Updated

Kuzohlolwa isimo eRay Nkonyeni kulandela umonakalo odalwe yimvula

Image: Cogta KZN

Umphathiswa wezokuBusa ngokuBambisana neziNdaba zoMdabu KwaZulu-Natal, uMfundisi Thulasizwe Buthelezi, usejube amathimba abhekelele izinhlekelele kuMasipala waseRay Nkonyeni kulandela izikhukhula ezihlasele kulesi sifunda.

Ibhishi elisogwini, elisuka eMargate lidlule e-Oslo Beach liya ePort Shepstone, lihlaselwe yimvula enamandla eqale cishe ngo-16:30 ngeSonto. Imvula idale umonakalo omkhulu kwingqalasizinda yemigwaqo, izakhiwo zezohwebo, nezindawo zezitolo, okuhlanganisa neShelly Centre.

*Isimo samanje kanye nomthelela:

* Izisulu: Imibiko yamanje yomnyango iqinisekisa ukuthi uyedwa umuntu oshonile.

* Ingqalasizinda: Umonakalo omkhulu ubikwe kwingqalasizinda yomphakathi.

* Ukuphepha Emgwaqeni: Imigwaqo eminingi okwamanje ivalwe izihlahla eziwile, futhi ugugulekile  endaweni yaseManaba.