Indida kuboshwa iphini likathishanhloko ngelokubulala uthishanhloko
Okuthusayo ecaleni lokubulala elenzeka eTembisa kuboshwa iphini likathishanhloko
Image: Sigciniwe
Amaphoyisa abophe iphini likathishanhloko wesikole mayelana necala lokugebenga nokubulala. Amaphoyisa aseqinisekise isigameko esishaqisayo sokubulawa kukathishanhloko (61) waseTembisa, obulawe esemzini wakhe ngeSonto.
IPhini likaKhomishana wamaPhoyisa eGauteng uFred Kekana uthi omunye wabasolwa ababoshwe ngoMsombuluko, uyiphini likathishanhloko esikoleni esifanayo.
Uthishanhloko wesikole ezizimele iSamit Christian Academy udutshulwe wabulawa esemzini wakhe emuva kokuthi amadoda angaziwa egqekeze esebenzise imbazo. Abahlaseli bashaye unkosikazi wakhe nendodana base beba amaselula, ama-laptop nemali ngaphambi kokubaleka.
UKekana uthi uphenyo lusaqhubeka.
"Kusungulwe ithimba elilandele ulwazi lokuqala oluveziwe ngokushesha ngesikhathi liqala uphenyo. Ekugcineni, ithimba likwazile ukubopha iphini likathishanhloko wakusona lesi sikole kanti uzovela eNkantolo yeMantshi yaseTembisa, ngoLwesithathu," kwengeza uKekana.
Umnyango wezeMfundo eGauteng udlulise amazwi enduduzo emndenini kathishanhloko.
Isitatimende somnyango wezemfundo eGauteng
Image: X