Omunye umculi weLinkompo engozini yemoto
Imoto yomculi waseLimpopo uKaycherlow, igama langempela Lehlogonolo Khwinana ngemuva kwengozi
Image: X
Umndeni wesihlabani seLekompo, uKaycherlow, ogama lakhe langempela uLehlogonolo Khwinana, usukhiphe umbiko kulandela ingozi embi eyenzeke eMathibela, eZebedia, eLimpopo ezintatha ngeSonto.
Kubikwa ukuthi uKaycherlow ubesendleleni eyocula endaweni yokucima ukoma Ga-Stan ngesikhathi ethola ingozi embi.
Ngokusho komndeni, oneminyaka engu-25 ubudala, ekanye nabanye ababili abebesemotweni, bathole imihuzukwana kanti kumanje basesibhedlela bethola usizo lwezempilo.
UMelita “Kharisma” Mogale, oneminyaka engu-21 usalulama esibhedlela kulandela ingozi enyantisa igazi.
Image: Facebook
Ingozi kaKaycherlow ilandela ekazakwabo uMelita “Kharisma” Mogale, oneminyaka engu-21 ubudala ocula ingoma eshisa izikhotha ethi Inama, osasesibhedlela ngemuva kwengozi enyantisa igazi eyenzeka ekupheleni kuka-Okthoba ezimpambanweni zomgwaqo uGrobler noMagazyn ePolokwane. Le ngozi yadlule nomphefumulo womgibeli oyedwa, kwathi uKharisma yena walimala kanzima.
Lena ingozi yesibili yemoto ka-Kharisma kulandela uukusinda kushayisana imoto ayehamba ngayo nenye ngo-August 2024 ngemva kombukiso eSekhukhune.
UShebeshxt
Image: Instagram
Enye ingozi embi ngekamrepha waseLimpopo, uShebeshxt, ogama lakhe langempela uLehlogonolo Katlego. Njengamanje uboshelwe isigameko sokudubula esenzeka ePolokwane ngenyanga edlule, lo mculi uke waba sengozini eyaholela ekufeni kwendodakazi yakhe encane.
Abathandi bomculo iLenkompo ukhathazekile ngempilo yabaculi baseLimpopo neshwa elibaladelayo belimana ngezimoto belandelana.