Indida kunukwa abammeli ecaleni likaMeyiwa ngetulo lokusoconga ijaji

Amaphoyisa aseNingizimu Afrika aphenya itulo okusolakala ukuthi lokubulala abathintekayo ecaleni lokubulala uSenzo Meyiwa ngemuva kokuthola lokho akuchaza njengobunhloli obubambekayo.

Okhulumela amaphoyisa kuzwelonke uBrigadier Athlenda Mathe uthe kunemiyalezo etholwe emishinini kagesi ebanjiwe ethi ijaji, umshushisi kanye nethimba labaphenyi bebebhekiswe kubo. UMathe uthe ezokuphepha enkantolo nasezindaweni ezizungeze izikhulu ezibhekiswe kuzo ziyaqiniswa ngoba usongo luthathwa njengoluseduze. Ngakho-ke, lo mkhuba uzoqhubeka size sithole lezo eziqukethwe ebufakazini, okufana nekhonteyina noma amagajethi abonakale,” kusho yena.

Namhlanje, u-Advocate Charles Mnisi utshele inkantolo ukuthi abameli babamangalelwa bayaphenywa ngokuthinteka kuleli tulo. Lokhu kuza ngemuva kobufakazi bukaBrigadier Gininda buhlakazwe ofakazi babammangalelwa okunguGwabini no-Absolom Zungu.

U-Adv Mnisi utshele inkantolo ukuthi akasakwazi ukuqhubeka necala. IJaji uRatha Mokgoatlheng lizwakale ukunengeka ngalokhu laveza ukuthi icala lizoqhubeka, futhi u-Adv Mnisi akakwazi ukuthi uyashiya nje, kumele azame ukuthola umeluleki wengqondo ozomsiza ngesimo abhekene naso. Icala liguqile okwanamhlanje ukuze u-Advocate Mnisi enze amalungiselelo okuthola ummeluleki.