Isexwayiso ngesimo sezulu esingesihle eKZN

UMPHATHISWA wezokuBusa ngokuBambisana neziNdaba zoMdabu KwaZulu-Natal, uMfundisi Thulasizwe Buthelezi, useqaphe ngeso lokhozi amathimba eSifundazwe esibhekelele iziNhlekelele kulandela isixwayiso esibi sesimo sezulu sika-Level 4 esikhishwe ngabeSouth African Weather Service (SAWS).

Lesi sexwayiso sizoqala ukusebenza kusasa, ngoLwesine, 27 November 2025, futhi siqondiswe ikakhulukazi ezifundeni zaseMgungundlovu, Ugu, Harry Gwala, Amajuba naseThekwini.

Izindawo ezithile ezizothinteka: Alfred Duma - Indaka, Alfred Duma - Ladysmith, Dannhauser, Dr N. Dlamini-Zuma - Underberg, eMadlangeni, Endumeni, Ethekwini, Greater Kokstad, Impendle, Ingwe, Inkosi Langalibalele Escourt, Inkosi Langalibalele Sobabili, Mkhambathini, Mpofana, Moodwei Castle, Mpofana, Moodwedwe, Mpofana, Moodwei River, Mpofana, Moodwei Castle, Mpofana Nkonyeni, Richmond, The Msunduzi, Ubuhlebezwe, Umdoni, uMngeni, uMshwathi, UMuziwabantu, Umvoti, Umzimkhulu.

Isifundazwe njengamanje sibhekene nenkinga yesimo sezulu esibi esisanda kudala umonakalo omkhulu ezindaweni, ikakhulukazi ezingaphansi kukaMasipala Wendawo uMshwathi, lapho amathimba okuzama ukutakula asazama ukuthola izidumbu zabantu ababili abamuka nesiphepho ngeSonto.

Umphathiswa uButhelezi ukuqinisekisile ukuthi wonke amathimba ezinhlekelele ezifundeni ezikhahlamezekile asecushiwe ukuze aqinisekise ukusukunyelwa ngokushesha nangokuhlelekile kunoma yiziphi izigameko.

"Amathimba ethu ahlangene, sisebenzisana kakhulu nabo bonke omasipala abathintekayo. Ukucekelwa phansi kwakamuva ezindaweni ezifana noMshwathi kuyisikhumbuzo esinamandla salezi zinhlelo zesimo sezulu. Sinxusa wonke umuntu oyisakhamuzi ukuthi asithathele phezulu lesi sixwayiso futhi ahambisane nemiyalelo yezokuphepha," kusho uButhelezi.