Utholwe ekhosele kubammeli uBrown Mogotsi
Uqome ukuwabizela emahhovisi abammeli bakhe amaphoyisa uBrown Mogotsi okuthiwa usinde oshayasibhamu bemgadla ngezulu lezandla.
Image: Screenshot / SABC News
AMAPHOYISA agcine ephumelele emizamweni yawo yokuthungatha iqabane le-ANC laseNorth West uBrown Mogotsi.
Ngokomlayezo othunyelwe amaphoyisa, uMogotsi, kuthiwa kusukela ngomhla ka-16 Okthoba amaphoyisa abelokhu ezama ukuthola uMogotsi ukuze aqhube umsebenzi wokusesha nokushaqa impahla okumele iyophenyisiswa.
Lokhu kuyamanene nophenyo oluqhubekayo lwenkohlakalo, ukuqola nokuphula umthetho.
Amaphoyisa aqinisekise ukuthi ashaqe omakhalekhukhwini bakaMogotsi ngemuva kokuhlangana naye emahhovisi abammeli bakhe eGoli.
UBrigadier Athlenda Mathe uthe amaphoyisa aphenya icala lokuzama ukubulala ngemuva kokuthola imibiko yokuhlaselwa kukaMogotsi.