Isinqumo kolwe-please call me ngemuva kweminyaka engu-17
UNkosana Makate kuthiwa uvumelane neVodacom ngesinxephezelo kolwe-please call me
Image: Sigciniwe
Inkampani yezokuxhumana kuleli iVodacom noNkosana Kenneth Makate sebelixazulule icala le-Please Call Me, eselidonse iminyaka engu-17 ezinkantolo zaseNingizimu Afrika kusukela ngo-2008, ngenani elingadalulwanga.
"Udaba seluxazululwe yizinhlangothi zombili. Zombili izinhlangothi zijabule ngokuthi sekufike isiphetho mayelana nalokhu," kusho uVodacom esitatimendeni esishicilelwe ku-JSE.
“NgoLwesibili mhla ka-4, ibhodi lakwaVodacom ligunyaze isivumelwano sokukhokha ibamba esibekiwe, udaba lwaxazululwa yizinhlangothi zombili ngaphandle kwenkantolo.”
IVodacom iveze ukuthi isinxephezelo sibaliwe emiphumeleni yesikhashana yale nkampani yezinyanga eziyisithupha eziphele ngomhla ka-30 kuSepthemba 2025, ezophuma ngomhla ka10 Novemba nonyaka.