Kusathungathwa imoto ephonseke eweni KwaSwayimane

Umphathiswa wezokuThutha nokuHlaliswa kwaBantu uMnuz Siboniso Duma uqinisekise ukuthungathwa kwemoto ebishayelwa owesifazane okubikwa ukuthi iphonseke eweni ngoMgqibelo.

Ngokusho kwakhe, uthole umbiko namuhla ekuseni ovela kumsakazi wezomgwaqo oKhozini u-Ayanda Msweli emazisa ngengozi enyantisayo eyenzeke KwaSwayimane izolo.

"Singakuqinisekisa ukuthi imoto ebishayelwa umshayeli wesifazane iphahlazeke eweni KwaSwayimane. Siye sazisiwe ukuthi amalungu ethimba lokuhlenga indiza enophephela emhlane bebezama ukuthola isidumbu. Okwamanje, asinayo imininingwane egcwele mayelana nenani labantu abebesemotweni nesimo sabo," kusho yena ngesitatimende.

Kujutshwe ithimba lezimo eziphuthumayo ebihamba ngendiza enophephela emhlani ukuthungatha le moto nabebengaphakathi ehlathini.