Kuboshwe umyeni ngowatholakala edindilizile KwaDukuza
UNKSZ Nokulunga Mashabane
Image: FACEBOOK
Uphenyo olunzulu lwabaseshi bamaphoyisa aKwaDukuza, besebenzisana nonogada abazimele, seluholele ekuboshweni komyeni wowesifazane owatholwa eshonile emotweni KwaDukuza ngomhla zingama-27 Juni 2025.
Uphenyo lwamaphoyisa luphinde lwaxhumanisa umsolwa wesibili kuleli cala kanti naye walandelwa wagcina eboshwa.
Abasolwa ababili baboshwe ngoLwesithathu, mhla ka-30 kuJulayi 2025. ngosuku lwesehlo, owesifazane oneminyaka engu-31 ubudala watholwa edindilizile emotweni Zinkwazi Link Road KwaDukuza, enamanxeba okudutshulwa ekhanda.
Umufi uhlonzwe njengoNokulunga Happiness Mashabane obesebenza kuMasipala waKwaDukuza.
Ithimba labaphenyi laKwaDukuza labe seliqhuba uphenyo okugcine ngokuthi kuboshwe abasolwa ababili.
Abasolwa ababili, abaneminyaka engu-32 no-26 ubudala ngokwehlukana kwabo, bazovela eNkantolo yeMantshi yaKwaDukuza ngoLwesihlanu, lu-1 Agasti 2025.