OwezeMpilo eKZN uyaziqhelelanisa nokuxoshwa kukaJacinta
Umnyango wezeMpilo eKZN oholwa uNksz Nomagugu Simelane uyaziqhelelanisa nokuxoshwa kukaJacinta
Image: Nonkululeko Nhlapo
UMnyango wezeMpilo KwaZulu-Natal ukhiphe isitatimende sabezindaba ukucacisa ngokuxoshwa komsakazi weVuma FM uJacinta Zuma.
Le ntokazi ebe sematheni ngomkhankaso wayo osusabalele izwe lonke iMarch in March ogqugquzela ukuxoshwa kwabokufika abakuleli ngokungemthetho.
Lo mnyango uthin ukhathazekile ngezinkulumo ezisanda kushiwo ezinkundleni zokuxhumana ezithi uyathinteka ekuxoshweni komsakazi weVuma FM.
Isitatimende esikhishiwe uJacinta Zuma ozwakalise ukushaqeka umqashi emnikeza incwadi yesehlukaniso
Image: Sithunyelwe
Ngokusho kwawo, lo mnyango uthi awunalo igunya, umthelela, noma intshisekelo ezindabeni zokuqasha kwanoma iyiphi inhlangano yezindaba noma inkampani.
"Noma iziphi iziphakamiso zokubandakanyeka kwethu ekunqanyulweni kwenkontileka yomsakazi zingamanga futhi azifaneleki. Siyakuhlonipha ukuzimela kwazo zonke izinhlangano ezizimele, kuhlanganisa neVuma FM, ekwenzeni izinqumo zangaphakathi zabasebenzi."
Lo mnyango uthi ugxile emsebenzini wawo wokuvikela impilo yomphakathi futhi ngeke uphazanyiswa izicelo ezingenasisekelo.