UMchunu uyakwamukela ukunikwa ikhefu

UNGQONGQOSHE wamaPhoyisa, uMnuz Senzo Mchunu, uzohlaba ikhefu emsebenzini kulandela izinsolo ezibucayi abekwe zona nguKhomishana wamaPhoyisa KwaZulu-Natal uLieutenant General Nhlanhla Mkhwanazi.Lesi sinqumo siza ngemuva kwesimemezelo esenziwe ngumengameli uCyril Ramaphosa, sokuthi kuzosungulwa ikhomishana Yezobulungiswa, ezoholwa yiPhini lejaji eliyinhloko elibambile, uJaji  Mbuyiseli Madlanga.  

UNgqongqoshe uMchunu usengiphe isitatimende esichaza ukuthi usamukele lesi sinqumo futhi uzwakalise ukweseka ngokugcwele lolu hlelo.   "Ngiyasamukela futhi ngiyasihlonipha isinqumo sikamengameli futhi ngiyazibophezela kulolu hlelo. Ukuhlonipha nobuqotho yizimfanelo ezinhle engizivumelayo futhi sonke esidinga ukwenza imizamo yokuzigcina. Ngimi ngomumo ukuphendula amacala engibekwe wona futhi ngiphendule izakhamuzi baseNingizimu Afrika, ngokugcwele nangobuqotho."