Bekungadikizi ngisho... indodakazi kaZuma ishaya ama-selfie enkantolo
|Published
Ubethokozele ukuthatha ama-selfie namalungu eMK Party uDuduzile Zuma obevele enkantolo ngamacala okuvukela umbuso.
Image: Duduzile Zuma Sambudla/X
ICALA lelungu le-MK Party uDuduzile Zuma Sambudla lihlehliselwe umhlaka-14 Agasti 2025 ukuze kwenziwe izendlalelo zokuqulwa kwecala.
Le ntokazi ibonakale ijabule ifika enkantolo, yize bebeyingcosana abebezomeseka enkantolo namhlanje, ubonakale ethokozile ngabo bonke ababonayo, ungene phakathi enkantolo washaya ama-selfie nalabo abebekhona emoyizela, kubonakala ukuthi akudikizi ngisho inqulu ngakuzele enkantolo.
Le ntokazi ibhekene namacala okuvukela umbuso njengoba esolwa ngokuphehla udweshu ngezibhelu zangoJulayi 2021.