Indodana yomlingisi kwelokudlwengula

INDODANA yomlingisi othandwa abaningi kuleli uSonia Mbele, owayedlala indawo kaNtombi Khumalo kwiGenerations, uDonell Mbele (23), ivele phambi kweMantshi yaseRandburg ngamacala okudlwengula.

Leli bhungu libhekene namacala amabili okudlwengula, avezwa yintombi yalo ngoNovemba 2022, nge-video eyasabalala ezinkundleni zokuxhumana lapho yayikhihla esikaNandi isola uDonelle ngokuyishaya.

WATCH: The son of actress and TV producer Sonia Mbele is being named by his girlfriend as an abuser.

Reokeditswe Makete says Donell beat her black and blue and then took over her social media. https://t.co/nle5sLjsxN pic.twitter.com/m8RG4vTGRr

— ZiMoja Lezinto (@ZimojaL) November 23, 2022

Izigigaba zikaDonell zaphoqa unina ukuba akhiphe isitatimende njengoba abantu abaningi babemsola ngokungafaki indodana yakhe emgqeni.

Esitatimendeni uSonia uyacacisa ukuthi intombi yendodana, wayamukela ngesihle ekhaya lakhe futhi eyisiza nangomsebenzi wayo kwezikaqedisizungu. Uthi kwaba buhlungu ukubona intombi isifake i-video ikhala ezinkundleni zokuxhumana ingakaze ikhulume naye ngezinkinga ebhekene nazo.