Amasu okuvika imigulukudu kula maholidi

YISIKHATHI samaholidi, kwabaningi, lokho kusho ukuthi yisikhathi sokuphumula nokungcebeleka nomndeni nabangani. Kulapho futhi abakhwabanisi beqinisa imizamo yabo ngoba abantu abaqaphile futhi ukuthola amabhonasi kubenza bakhululeke kakhulu ngemali.

Ngokombiko we-South African Banking Risk Information Centre’s (SABRIC) 2023 Annual Crime Statistics Report, ukwanda kobugebengu bezezimali kwenze ezomnotho zalahlekelwa yimali elinganiselwa ku-R3.3million. Lokhu kwenziwa ukunyuka kakhulu kobugebengu obenziwa nge-internet.

Izigebengu seziqalile ukusebenzisa ubuchwepheshe obuthuthukisiwe njenge-generative AI ukuze zenze izinhlelo eziningi neziseqophelweni eliphezulu zokukhwabanisa, ezihlanganisa ama-email omgunyathi enziwe sengathi aphuma ezinkampanini ezinkulu kanjalo nama-sms athunyelwe komakhalekhukhwini anama-link.

Abakhwabanisi ngokuvamile bazama ukuthola i-PIN yakho noma i-password yesikhashana (OTP) ukuze bantshontshe imali kwi-akhawunti yakho yasebhange noma benze uveze imininingwane yakho siqu ukuze ufake isicelo semalimboleko egameni lakho.

UGavyn Letley, ovela enkampanini ebolekisa ngemali eyisipesheli i-DirectAxis, uthe: “Ngenxa yokuthi izigebengu zihlala zishintsha ayikho indlela ‘engenangqondo’ yokugwema imikhonyovu. Wonke umuntu usengozini, kodwa unganciphisa amathuba okuba ubanjwe ngokuqapha.”

Nakhu okufanele ukubheke nezinye izindlela zokugwema imikhonyovu evamile:

Qinisekisa ngaphambi kokwethemba:

- Hlola ubuqiniso bezingcingo, imiyalezo, noma ama-email ashaya sengathi avela emabhange, abathengisi, noma abahlinzeki bezinsizakalo ngaphambi kokukhipha noma yiluphi ulwazi. Ungakhiphi imininingwane yakho siqu ocingweni ngisho noma ofonayo ethi uvela ebhange noma inkampani ye-IT.

- Ungachofozi ama-link kuma-email noma imilayezo ye-SMS. Xhumana nabo usebenzisa imininingwane yokuxhumana esemthethweni, hhayi leyo enikezwe emilayezweni.

- Ungakhohliswa ngemilayezo ethi uwine umklomelo, imali oyizuza njengefa, noma ufanelekile ukubolekwa imali enenzalo encane.

Ungabelani ngolwazi lomuntu siqu:

– Ungalokothi unikeze noma ubani ipasswordi yakho, i-PIN noma i-OTP, ngisho noma ethi uvela ebhange noma enkampanini enegama elihle.

– Ungabelani ngenombolo yakho kamazisi, ikheli, noma olunye ulwazi lomuntu siqu ezinkundleni zokuxhumana.

– Ungawalahli amaphepha aqukethe imininingwane yomuntu. Wadabule lapho kunemininingwane kamazisi noma uwashise.

Hlakanipha ngezinkundla zokuxhumana:

– Thenga kuphela kuma-website ahloniphekile anezindlela zokukhokha ezivikelekile (bheka okuthi ‘https’ kwi-URL nesithonjana se-padlock).

– Sebenzisa amagama ayimfihlo kuma-akhawunti akwi-internet okuyinhlanganisela yezinhlamvu ezinkulu nezincane, izinombolo, nezimpawu.

– Nika amandla ukuqinisekisa kwezinto ezimbili lapho kunokwenzeka khona okungaba yinombolo yeselula ne-email.

– Gcina amakhadi akho asebhange nama-divice eselula kuphephile. Ikakhulukazi lawo asetshenziselwa ukubhanga nge-internet. Bika futhi uvimbele noma imaphi amakhadi alahlekile noma antshontshiwe ngokushesha.

– Ungavuli ama-app ebhange lakho noma imininingwane eyimfihlo kwi-internetlapho usebenzisa khona i-Wi-Fi yomphakathi. Sebenzisa i-VPN uma kudingeka.

– Qinisekisa ukuthi ufaka i-software ethembekile yokulwa namagciwane ekhompyutheni noma kwiselula yakho.

– Ungalokothi uvumele abantu abangagunyaziwe ukuthi bafinyelele kuma-divice akho bekude.

– Ungavumeli abantu abangagunyaziwe ukuthi bangene endlini yakho noma kuma-divice ngisho noma bethi bangochwepheshe.

Qapha lokhu:

– Qaphela izicelo zokukhokha eziphuthumayo zezimpahla noma amasevisi ongazange uwa-ode, nezindlela zokukhokha ezingavamile njengamakhadi esipho, i-cryptocurrency, noma ukudluliselwa ngezintambo. Lezi ezivame ukusetshenziselwa imikhonyovu.

– Abakhwabanisi basebenzisa ukuthakazelelwa ngezicelo zezinhlangano ezisiza umphakathi ezingelona iqiniso. Nikela ngokuqondile ezinhlanganweni ezaziwayo esikhundleni sokuphendula izicelo ezingahleliwe.

– Qaphela izicelo zokukhokha kusengaphambili zezimpahla, namasevisi noma ukukhulula imiklomelo noma ezinye izimali.

– Bheka amaphutha okupelwa kwamagama, ama-logo aphelelwe yisikhathi, amakheli e-email angajwayelekile noma izizinda ze-email okungezona ezebhizinisi njenge-G-mail kwezokuxhumana.

Hlala ubheka isimo sakhe sezimali:

– Hlola njalo ama-akhawunti akho asebhange kanye nemibiko yezikweletu ukuze uthole okwenziwayo okungagunyaziwe noma izinguquko ezingalindelekile. Amathuluzi amahhala afana ne-Pulse (https://www.directaxis.co.za/pulse) akuvumela ukuthi uhlole isilinganiso sakho sesikweletu kaningi ngokuthanda kwakho.

– Bika noma yimuphi umsebenzi osolisayo ebhange lakho noma umhlinzeki wosizo lwezezimali. Iminyango yokukhwabanisa ingasiza ekuphenyeni nasekuvaleni ama-akhawunti omkhonyovu noma ama-website.

Ngolunye ulwazi olwengeziwe ngena ku-https://www.directaxis.co.za/make-a-plan/how-to-spot-a-scam