Umsindo kuhlongozwa ilayisensi kaWhatsApp
EZIMBABWE kuhlongozwa ukuthi abengamele ama-group kaWhatsApp bakhokhele ilayisensi Isithombe: REUTERS
ISUSE umsindo inkulumo kaNgqongqoshe wezobuChwepheshe nokuXhumana eZimbabwe, uTatenda Mavetera, yokuthi abengamele ama-group kaWhatsApp kumele bakhokhele amalayisensi abiza imali ephakathi kuka-$50 (R881) no-$2 500 (R44 065).
Lesi simemezelo usenze ngesonto eledlule emcimbini. Uphinde wasishicilela ekhasini lakhe le-LinkedIn kwasuka ukukhuluma.
NgeSonto ushaye ungqimphothwe wathi uyaziqhelelanisa nalezi zinkulumo. Uthe le mali abayifuni kwabangayiqoqi imininingwane yabanye ngenhloso yokwenza ibhizinisi.
"I-Personal Identifiable Information (PII) yinoma yiluphi ulwazi olungasetshenziswa ukuhlonza umuntu kusuka egameni lakhe, ikheli, inombolo yocuko, eye-passoirt nekamazisi," kusho uMavetera.
Uthe akakaze asho ukuthi kuzohlawuliswa abengamele ama-group kaWhatsApp noma ezinye izinkundla abangayiqoqi imininingwane yokuhlonza abantu.
UChipo Sibongile Mapungwana ubuze ukuthi kungani abantu kumele bakhokhele uWhatsApp ngoba akuwona okahulumeni? Ubuze nokuthi bazobathola kanjani abaphethe ama-group.
UMukuru uthe ubone abantu bemtinyela manje useshaya ungqimphothwe.
URoyal uthe ubeseqala ukukhathazeka.