Useyazikhipha izidakamizwa owesifazane (21) wakuleli oboshwe ezigwinyile

Useqalile ukukhipha izidakamizwa abezigwinyile owesifazane oneminyaka engu-21 oboshwe esikhumulweni sezindiza i-O.R. Tambo International eqeda kufika ngendiza ebisuka eSao Paulo, eBrazil, ngeSonto ekuseni.

Lona wesifazane odabuka kuleli osolwa ngokushushumbisa izidakamizwa, kuthiwa uboshwe ngemuva kokuthi umshini we- x-ray uqinisekisile ukuthi ugwinye izidakamizwa.

“Useqalile ukuzikhipha izidakamizwa,” kusho okhulumela amaphoyisa kuzwelonke uBrigadier Athlenda Mathe ekhasini lakhe le-X ngeSonto ntambama.

#sapsHQ [DRUG TRAFFICKING] A joint op between the #SAPS and the South African Revenue Services (SARS) Customs at the OR Tambo International (ORTIA) Airport has led to the arrest of a 21yr-old South African woman for #DrugTrafficking.

This is the 11th drug mule to be arrested at… pic.twitter.com/DbILrvkYsu

— SA Police Service 🇿![CDATA[]]>🇦 (@SAPoliceService) September 29, 2024

Akachazanga ukuthi uzikhipha kanjani.

Uthe umsolwa osolwa ngokushushumbisa izidakamizwa ngoka-11 ukukhalelwa ngamasongo kaSigonyela ngezinsolo ezifanayo kulesi sikhumulo sezindiza.

NgeSonto eledlule kuboshwe izinsolo zokushushumbisa izidakamizwa okuthiwa ubezigwinyile. Icala lakhe lihlehliselwe u-Okthoba 3 eNkantolo yeMantshi yaseKempton Park