IMK iphinde yalitheza phezulu kwi-ANC enkantolo
Owabhalisa ngokusemthethweni iMK, uMnuz Jabulani Khumalo, ekhuluma nabezindaba ngaphandle kweNkantolo eNkulu yaseThekwini Isithombe: Willem Phungula
IQEMBU elikhankaselwa owayengumengameli, uJacob Zuma, iMK, liphinde lehlula i-ANC komunye umbango wasenkantolo.
INkantolo eNkulu eThekwini ichithe icala ebelifakwe yi-ANC, ebisola iMK ngokuntshontsha igama nophawu lophiko lwayo lwezempi oselahlakazwa, uMkhonto weSizwe.
Isicelo se-ANC sichithwe nezindleko zaso. Isinqumo sikhishwe ngoMsombuluko ekuseni.
Kube yinjabulo kumalungu eMK abezolala icala ngesikhathi kuthulwa isinqumo.
Owabhalisa ngokusemthethweni iMK, uMnuz Jabulani Khumalo, uthe kubajabulisile ukunqoba icala.
Uthe sebezogxila emkhankasweni wokhetho.
Leli yucala lesibili lapho iMK ihlula i-ANC.
Icala lokuqala lalithethwa eNkantolo yezoKhetho, lapho i-ANC yayifuna kukhishwe iMK ohlwini lwamaqembu angenele ukhetho.