Udedelwe ngo-R50 000 uNkk Mapisa-Nqakula

UDEDELWE ngebheyili uNkk Nosiviwe Mapisa-Nqakula osanda kusula esikhundleni sakhe sokuba nguSomlomo wePhalamende nanjengelungu lePhalamende.

UMapisa-Nqakula uzinikele emaphoyisa esiteshini samaphoyisa iLyttelton, eCenturion ngoLwesine ekuseni. Ubhekene namacala angu-13, angu-12 enkohlakalo nelilodwa lokushushumbisa imali.

Umshushisi utshele inkantolo ukuthi lo msolwa wathola imali engaphezu kukaR2 million eyintshontsho. Ngaleyo ndlela ufanelwe wukunikezwa ibheyili kaR100 000. Ummeli kaMapisa-Nqakula unxuse inkantolo ukuba imnikeze ibheyili kaR50 000 ngoba useminyakeni yempesheni, iyona mali angakwazi ukuyikhokha.

IMantshi u-Anna Oosthuizen unikeze uNkk Mapisa-Nqakula ibheyili kaR50 000 wayalelwa nokuthi anike abaphenyi izincwadi zakhe zokuvakasha.