Amaphoyisa athungatha ababulale isitobha seKaizer Chiefs

IKaizer Chiefs isikuqinisekisile ukushona komdlali wayo uLuke Fleurs ngoLwesithathu ebusuku.

UFleurs (24), obeyibamba emuva kuthiwa udutshulwe edunwa imoto eGoli.

“Imicabango nemithandazo yethu siyibhekisa emndenini wakhe nakubangani ngalesi sikhathi esinzima. Amaphoyisa eSAPS asingethe lolu daba futhi eminye imininingwane izodalulwa ngokuhamba kwesikhathi,” kusho iKaizer Chiefs esitatimendeni.

It is with a great deal of sadness that we announce that Kaizer Chiefs player, Luke Fleurs tragically lost his life last night during a hijacking incident in Johannesburg.

Our thoughts and prayers are with his family and friends at this difficult time.

The SAPS are handling… pic.twitter.com/4CTCiH1I41

— Kaizer Chiefs (@KaizerChiefs) April 4, 2024

Okhulumela amaphoyisa eGauteng, uColonel Mavela Masondo uthe udutshulwe wabulawa ngaphambi eHoneydew ngabo-8.30 ebusuku.

“Kubikwa ukuthi umgilwa obehamba ngeVW Golf 8 GTI ebomvu ungene egaraji likaphethroli elisekhoneni lika-14th Avenue no Hendrik Potgieter. Ngesikhathi esalinde ukusizwa ngabetha uphethroli, uhlaselwe ngabesilisa ababili abebehlomile abafike behamba ngeBMW 1 Series emhlophe. Abasolwa bakhombe umgilwa ngesibhamu bamkhipha emotweni base bemdubula kanye kwesingenhla somzimba. Omunye wabasolwa ubaleke ngemoto yomgilwa elandelwa ngabehamba naye,” kusho uMasondo ekhuluma ezindabeni zeSABC.

Uthe umgilwa uphuthunyiswe esibhedlela esiseduze lapho ehlonzwe khona njengofile efika.

Amaphoyisa aphenya icala lokubulala nokudunwa imoto futhi akukaboshwa muntu. Uthe ucela noma wubani onolwazi ukuthi athinte amaphoyosa.

Lo mdlali ujoyine Amakhosi ngo-Okthoba ngemuva kokunqanyulwa kwenkontileka yakhe neSuperSport United.

Imiyalezi yenduduzo ilokhu ingene njalo ezinkundleni zokuxhumana.

UNgqongqoshe wezemiDlalo, ubuCiko namaSiko kuzwelonke, uZizi Kodwa, uthe uphathe kabi ngokuthi umuntu osemncane ufe ngenxa yobugebengu.

Amaqembu ebhola iCape Town City neGolden Arrows nawo abhale eyawo imiyalezo.

We are saddened to learn of the passing of Kaizer Chiefs defender Luke Fleurs.

Our deepest sympathies go out to Fleurs' family, friends, and the broader South African football community during this difficult time. pic.twitter.com/KnMNZPjp2K

— Cape Town City FC (@CapeTownCityFC) April 3, 2024

We are deeply saddened to hear about the passing of Kaizer Chief defender Luke Fleurs , to his family, friends and everyone @KaizerChiefs , we at Lamontville Golden Arrows send our deepest sympathy and condolences on the news of his passing. May his soul rest in peace 🕊️ pic.twitter.com/5LVJmC4dK4

— Lamontville Golden Arrows FC (@goldenarrowsfc1) April 3, 2024