Amaphoyisa acekele phansi izidakamizwa zezigidi
Umkhuzi wamaPhoyisa kuzwelonke uGeneral Fannie Masemola ecekela phansi izidakamizwa Isithombe: SAPS
Umkhuzi wamaPhoyisa kuzwelonke uGeneral Fannie Masemola uhole ithimba elicekele phansi izidakamizwa ezingabiza uR550 million ezitholwe ngamaphoyisa emikhankasweni ahlukene.
Izidakamizwa zihlanganisa i-mandrax, cocaine, tik ne heroine. Zishaqwe emikhankasweni yamaphoyisa ezifundazweni eziyisithupha iKwaZulu-Natal, Limpopo, Free State, Gauteng, North West naseMpumalanga.
Amaphoyisa athe kusuka ngo-Okthoba kuze kube yimanje, asethole umthamo omkhulu wezidakamizwa eThekwini nowodwa eGqeberha.
#sapsHQ [DRUGS DESTRUCTION] #DrugsDestruction #DrugsOffTheStreets
— SA Police Service 🇿🇦 (@SAPoliceService) January 31, 2024
Today, the National Commissioner of the #SAPS, General Fannie Masemola presided over the destruction of drugs with an estimated street value of R550 MIL.
The drugs have been seized by SAPS during operations.… pic.twitter.com/EPaqcLD8iK
"Kumele sikuveze ukuthi i-cocaine engabiza uR300 million ishaqwe kulezi zinyanga ezine ezedlule. Isigameko sakamuva senzeke echwebeni laseThekwini ngoDisemba 4 2023 lapho kutholwe izitini ezingu-433 ze-cocaine ezingabiza u-R151 million ezazifihlwe sengathi amabhokisi enyama."
Amaphoyisa athe athole ukuthi kunomkhuba wokuthi izidakamizwa zilethwe kuleli zifihlwe sengathi upende noma amabhokisi enyama.
Athe ngesonto eledlule acekele phansi izidakamizwa ezingabiza uR90 million e-Eastern naseWestern Cape.
Aqhube athi kulo nyaka zimali sekucekelwe phansi izidakamizwa ezingabiza imali engaphezu kukaR1 billion kanti ngoka-2022/2023 kucekelwe phansi ezibiza uR2 billion.