I-Rémy Martin igubha iminyaka engu-300 ngochungechunge lwemibhiyozo emhlabeni wonke
Nonyaka abaphisi botshwala i-House of Rémy Martin bazogubha ukuhlanganisa iminyaka engu-300 bekhona. Ukuhlonipha leli qophelo i-House izoxhumanisa umlando, okwanamuhla nekusasa ngonyaka wemicimbi ekhethekile ngaphansi kwengqikithi ethi 'Sinephupho Eliya Phambili'. Iminyaka engamakhulu amathathu yokuvubela ngesandla esihle nobuciko, konke kudluliselwa phambili ukwakha okwehlukile kwangomuso.
"Kula makhulukhulu eminyaka i-House of Rémy Martin ibilokhu ihambisa ulwazi ezizukulwaneni ngezizukulwane. Namuhla, lokhu akuselona ifa lomndeni nje kuphela, kwa-Rémy Martin sisebenza ngokubambisana nesinabo ukufinyelela ezingeni elicokeme. Samukele umsebenzi wokuvikela ifa lomhlabathi senzela izizukulwane ezizayo.
Sibambisene nabakwa-Grande and Petite Champagne, ngokuthuthukisa amathalente asafufusa emhlabeni wonke, senza konke okusemandleni ukusabalalisa lelifa lomndeni naseminyakeni engu-300 ezayo," kusho uMarie-Amélie de Leusse, uSihlalo we-Rémy Cointreau Group
SIBUNGAZA UMLANDO WEMINYAKA ENGU-300 SIPHINDE SIHLABELE PHAMBILI KWEMINYE ENGU-300
Ukuphawula le ngqophamlando, imigubho izoqala ngoJanuwari 2024 iqhubeke unyaka wonke kuwo wonke amagumbi amane omhlaba ngezindlela eziningi. Nawa amazwibela ambalwa:
Ukuvulwa kwesikhungo somlando
Ngokuqala isizinda se-Cognac, unyaka ka-2024 kuzoba unyaka wokuvulwa kweminyango ye-House of Rémy Martin ngemuva kweminyaka ilungiswa. Empambanweni yemigwaqo yedolobha nasemaphandleni, leli thulamsindo lesakhiwo lizokhombisa umlando weminyaka engu-300 yempatho, ikhombisa izivakashi uhambo lwenjula yakwa-Rémy Martin.
Imibhiyozo yokugubha
Unyaka wonke kuzoba nemicimbi yokujabula ezohlelwa emhlabeni wonke. Ezikhumulweni zezindiza ezikhethiwe, laba baphisi bazotetemukisa abathandi be-cognac ngendiza ngaphansi kohlelo i-Rémy Martin Dream Forward Expedition kusukela entwasahlobo yase-Europe ka-2024: umuzwa womntakabani. Ngobuchwepheshe bezimanje izivakashi zizohambela izivande zomvini ye-Grande Champagne ne-Petite Champagne, lapho uhogela iphunga lemvelo ye-Rémy Martin, noma ukuthubeleza ngephupho esibhakabhakeni esihlobe ngezinkanyezi lapho kuzobe kudekwe amatafula, kuncelwa iziphuzo, utotoswa ngendlela oyifisayo nomuzwa ohlukile kokwekhethelo. Ngaso leso sikhathi i-Centaur Birthday Tour izoza nobumnandi basema-nightclub adumile emhlabeni.
Ngale komuzwa wokakheka kwe-cognac nokutshalwa kwemivini, i-House ikhuthaza amakhono nokuzimisela ezindaweni ezahlukene, kudluliselwa isandla esihle ezizukulwaneni ezilandelayo. Lapha ubuciko bokudidiyela yibona umanqoba kubaphisi. Njengegxenye yemigubho kuzophinde kube nomqhudelwano osekwa yi-The Rémy Martin Bartender Talent Academy lapho izindawo zokucima ukoma emhlabeni wonke zizogubha iminyaka engu-300 yesiko nekhono lokudidiyela iziphuzo nonyaka.
Ama-bar angu-24 ayohlabana ayogcina eqhudelana kumafayineli omhlaba eFrance ngoSepthemba. Ungaphuthelwa eminye imicimbi yekhethelo, nongakulindele nonyaka.
"Ukugubha iminyaka engu-300 yomlando yigalelo elikhulu kwabakwa-Rémy Martin. Ngokubiza abathandi beziphuzo zethu ukuzozizwela isandla sethu nomlando wethu nokubambisana nongoti, sakha ama-cognac ezizukulwane ezizayo" kuphetha uJean-Philippe Hecquet, i-CEO ye-House of Rémy Martin.
MAYELANA NE-RÉMY MARTIN
Lilodwa iphupho le-House of Rémy Martin kusukela ngo-1724: ukuphisa ama-cognac ehlukile. Injula yothando lomhlabathi, ukuqhutshwa kwephupho lobunikazi emndenini nokuzinikela ekuqinisekiseni ukuma kwe-Rémy Martin amakhulu-nyaka amathathu. Umphumela usubala ngolozolo lwendidiyela, igugu lezizukulwane ngezizukulwane nolwazi lwe-Cognac nokuhlabana ngenqwaba yezindondo. Ithandwa nayizinkunzi zomhlaba ezingaphuzi noma yini. I-Rémy Martin imandla ngama-Cognacs Fine Champagne okukhona kuwo i-Rémy Martin® XO, Rémy Martin Tercet®, Rémy Martin 1738 Accord Royal® Rémy Martin
Club® ne-Rémy Martin® V.S.O.P. Ngeminye imininingwane bheka ku: www.RemyMartin.com
UNGEQISI OPHUZWENI OLUDAKAYO