Kubulawe unogada kwalimala omunye
ABEZIMO eziphuthumayo besendaweni yesigameko lapho kudutshulwe khona onogada ababili eMlaza ngoMsombuluko, emini Isithombe: FACEBOOK / ALS PARAMMEDICS MEDICAL SERVICES
Kubulawe ngokudubbula unogada ngasenxanxatheleni yezitolo edumile eMlaza, eThekwini, ngoMsombuluko ntambama.
Ngokusho kwabezimo eziphuthumayo, be-ALS Paramedics Medical Services, owesilisa okukhokakala ukuthi uneminyaka elinganiselwa ku-30, utholakale enemanxeba okudutshulwa futhi akukho obese kungenziwa ukumhlenga.
“Omunye unogada okukholakala ukuthi uneminyaka elinganiselwa ku-30 ubenamanxeba amaningi okudutshulwa futhi esesimeni esibucayi,” kusho abe-ALS Paramedics.
Bathe uxilongiwe ngaphambi kokuphuthunyiswa esibhedlela, ukuthi alashwe ngokusheshayo.
“Okwamanje okuholele kulesi sigameko akukaziwa kodwa amaphoyisa abesendaweni yesigameko futhi azophenya.”