Izikhukhula zilimaze ingqalasizinda ye-Eskom
Kusale kunje KwaDukuza ngemuva kwezikhukhula ngoMgqibelo ebusuku Isithombe: Storm Report SA/Facebook
Inkampani ephehla ugesi, i-Eskom ithi izikhukhula ezihlasele KwaZulu-Natal ngoMgqibelo ebusuku zicekele phansi ingqalasizinda yayo.
“Ongoti bethu bajutshiwe (lapho konakele khona) kodwa asikho isikhathi esikaliwe sokuthi kuzolunga nini,” kusho yona esitatimendeni.
Ithe izindawo ezithintekayo yilezi: EMgungundlovu, Margate, Kokstad, Newcastle, Ladysmith, KwaDukuza, Zululand naseMpangani.
Kwenzeka lokhu nje, ngoMgqibelo emini le nkampani imemezele ukuthi ugesi ngeke ucishwe ngokwesigaba sesine kusuka ngo-4 ntambama njengoba yayishilo.
#EskomKZN #StormDamage
— Eskom Hld SOC Ltd (@Eskom_SA) January 14, 2024
The storm that swept through KZN last night caused extensive damage to our networks. Technicians have been deployed but there is no ETR. The most affected areas are: Pietermaritzburg, Margate, Kokstad, Newcastle, Ladysmith, Stanger, Zululand and…
Ithe uzocinywa ngokwesesithathu bese kuthi ngeSonto ucinywe ngokwesigaba sesine kusuka ngo-4 ntambama.
NgeSonto ekuseni uthe sekuzoqhubeka ukucinywa ngokwesigaba sesithathu kuze kube wu-5 ekuseni ngoLwesine.
Abantu abaningi ezinkundleni zokuxhumana baveze ukuthi mkhulu umonakalo odalekile.
Umsakazi weVuma FM uMankini Mgenge, uthe kuwe udonga olubiyile kwalimala negumbi lokulala kwamakhelwane.
As if we need this! pic.twitter.com/Cg30tT79SB
— ChefNdu (@NduBarsEquipped) January 13, 2024
*Kufakwe isimemezelo se-Eskom sokuthi ngeke ugesi usacinywa ngokwesigaba sesine kusuka ngo-4 ntambama njengoba ibimemezelile ngoMgqibelo.