Avaliwe amabhishi emva komonakalo odalwe ngamagagasi
ISIMO sezulu besingesihle ezindaweni eziningi kule mpelasonto, kodwa abaningi bamangele ngomonakalo odalwe ngamagagasi olwandle oluseGarden Route.
Yize bekushisa futhi kungekho okuthusayo osukwini, amabhishi amaningi ezindaweni zaseGeorge eWestern Cape avaliwe okwesikhashana ngenxa yamagagasi amakhulu.
NgoMgqibelo ntambama, uMasipala waseGeorge ukhiphe umyalelo othi abantu bangayi emabhishi avaliwe ngoba amagagasi anamandla.
UPDATE 3: The public is urged to stay away from the George beaches
— George Municipality (@george_mun) September 16, 2023
All beaches and access remain closed to pedestrians and vehicles due to the very high tides and rough water conditions. The George Municipal Disaster Management teams are on high alert. https://t.co/lmaFODT7ff pic.twitter.com/Hd0o3QQNXV
Lesi sixwayiso singene kahle emiqondweni yabantu bakule ndawo sekubonakala amavidiyo afakwa ezinkundleni zokuxhumana eveza umonakalo odaleke eHerold’s Bay lapho igagasi ligugule izimoto emgwaqweni layobhajwa odongeni lomuzi okugcine kukhumuka kuwo isango. Nabantu abebehamba emgwaqweni kule ndawo bazithole sebentanta emanzini nezimoto ezimbili ebezipake onqenqemeni lolwandle.
Gordon's Bay flooding. Please be safe 🙏 pic.twitter.com/wquXTiYqMK
— Pierre Rogers (@Rogersp9) September 16, 2023
Abezimo eziphuthumayo basebenze kanzima ukutakula izakhamuzi eHerold’s Bay naseVictoria Bay ngoMgqibelo ebusuku kanti naseDie Poort eMossel Bay, izakhamuzi zakhona bezikhala zingashayiwe ngenxa yamagagasi enza okungajwayelekile kulezi zindawo ezithandwa kakhulu yizivakashi.
Cape Town - Gordon's Bay: Freak waves around the Cape coastline pic.twitter.com/TEqZkvOfIn
— TrafficSA (@TrafficSA) September 16, 2023
EGordon’s Bay kusinde abebephezulu ezitezi ngoba izimoto ebezisemgwaqweni nezindawo zokudla zikhahlamezeke kakhulu ngalokhu. Okwamanje bekungakabikwa lutho ngemiphefumulo ephangalele noma abamuke nolwandle.