Uhulumeni waseKZN nohlelo olusha lokufaka izicelo zomsebenzi

UHULUMENI waKwaZulu-Natal wethule uhlelo olusha lokufaka izicelo zomsebenzi kusetshenziswa ubuchwepheshe besimanje.

Uhlelo lwemisebenzi lwethulwe ngaphansi kwesiqubulo salo hulumeni, iS’thesha Waya-Waya, nguNdunankulu wesiFundazwe, uNkk Nomusa Dube-Ncube, emcimbini obusenkundleni yezemidlalo, iHarry Gwala.

Lolu hlelo lwenza kube lula kubantu abafuna ukufaka izicelo zomsebenzi eminyangweni ehlukene kahulumeni wakulesi sifundazwe ngokusebenzisa ubuchwebeshe besimanje.

Umuntu ungena kwi-website yakhona afake imininingwane yakhe nakho konke okudingekayo bese efaka isicelo somsebenzi.

Not sure how to get started on the S’Thesha Waya-Waya e-recruitment portal? Here’s a step by step guide on how to submit a successful application!

Visit https://t.co/WUScLpGTnd #StheshaWayaWaya

Creating Sustainable Jobs! pic.twitter.com/qMLmAvF1p2

— KZN Provincial Gov (@kzngov) August 17, 2023

Ngale kokwethula lolu hlelo, uhulumeni wesifundazwe ubeseveza nenqwaba yemisebenzi ekhangiswe yiminyango eyahlukene nokuthi zifakwa kanjani izicelo.

Lolu hlelo kuthiwa luzosiza lesi sifundazwe sigcine abantu baso abanamakhono, iziqu nolwazi oludingekayo ukuthuthukisa umsebenzi wokulethwa kwezidingo kubantu.

Ngale kokwethula uhlelo olusha lwemisebenzi, undunankulu ubuye wanikela ngezinsiza kusebenza kubantu abafaka izicelo kuhulumeni.