Isikhwama iKwaZulu-Natal Growth Fund sigubha iminyaka engu-15 yempumelelo nokwanda kwemisebenzi

Njengoba sigubha impumelelo yeminyaka eyi-15 yeKwaZulu-Natal Growth Fund (KZNGF), ake sithi jeqe emuva ngamagalelo aso selokhu sasungulwa.

Ngo-2008 iKZNGF yavulela umphakathi iminyango yelekelela amabhizinisi adinga ukwesekwa ezinhlelweni azenzayo. Ngemuva kweshumi nanhlanu leminyaka iKZNGF isithathe amagxathu abonakalayo ngokubambelela emshikashikeni wayo wokunika usizo olungajwayelekile ezixazululweni zezezimali ukweseka intuthuko yomphakathi kwezomnotho iphinde ibe yivulandlela yekusasa elingcono.

Lesi sikhwama seseka amabhizinisi abamnyama ngaphansi kohlelo i-Broad Based Economic Empowerment (BBBEE). Sisaqhubeka nokugxila ekwesekeni ngezimali izinhlelo ezidala amathuba omsebenzi futhi sithuthukise umnotho esifundazweni. Simandla kakhulu ekwesekeni ngezimali amabhizinisi andisa ukuqashwa kwabantu nafukula ukusabalala komnotho esifundazweni.

Eminyakeni eyishumi edlule, iKZNGF isikhiphe imali eyevile ku-R1 billion yokweseka izinhlelo eziyishumi ezibalulekayo emikhakheni eyahlukene. Lapha singabala ezempilo, kwezokukhiqiza, ezokuxhumana nezokuthuthwa kwemikhiqizo.

Singabala lezi zinkampani ezilandelayo ezibe yimpumelelo:

1. Brace Able Manufacturing: Ngesamba sika-R46 million, iKZNGF yasiza uhlelo lwezinguquko kwa-Brace Able Manufacturing kwagcina u-60% usuphethwe abantu abamnyama. I-Brace Able ingungqaphambili ekusatshalalisweni kwamathuluzi ezimoto nemishini esetshenziswa kule mboni. Le nkampani ese-Pinetown, eThekwini, isibe kulo mkhakha iminyaka engamashumi amathathu, iqashe abantu abangu-246 kanti abangu-125 basebenzisana nale nkampani.

2. Dube Trade Port Storage: I-KZNGF yaxhasa ukwakhiwa kwesakhiwo esiyisiqandisi sama-pallet angu-8680 eDube Tradeport Special Economic Zone. Kulo msebenzi owasekwa ngo-R63 million kubalwa ukuhlelwa kwawo, ukwakhiwa, ukufakwa kwemishini nokugunyazwa kanye nemali yokuqinisekisa ukuthi le ndawo ihlala isesimweni. Okuhlalukayo ukuthi lolu hlelo lwavula amathuba emisebenzi engu-85

3. Busamed Healthcare: I-KZNGF yafaka imali ekuthengweni kwezibhedlela ezizimele ezimbili, i-JT Ross, esifundazweni. Lolu hlelo lwenziwa ngaphansi kwe-Busamed (Pty) Ltd, abaphathi bezibhedlela eBusamed Hillcrest Hospital neBusamed Gateway Private Hospital. Ilinganiselwa ku-R1.6 billion imali esetshenziswe kuthengwa izakhiwo zalezi zibhedlela. Kumanje lezi zikhungo zezempilo ziqashe abantu abangu-642.

4. Business for Good: I-KZNGF yabolekisa u-R21 million ku-Business for Good (BFG) eyakhipha ubunini bamasheya angu-51% enkampanini ye-BBBEE. Ngalokhu kwesekwa kwanetshwa uphiko lokukhiqiza i-BFG Retail efemini yabo esePinetown. Sikhuluma nje le nkampani iqashe abantu abangu-128, u-80% wabo okungabantu abamnyama.

Ngabe udinga ukwesekwa ngezimali kwebhizinisi lakho KwaZulu-Natal?

I-KZNGF engaphansi koMnyango wezokuThuthukiswa koMnotho, ezokuVakasha nezeMvelo KwaZulu-Natal, inesixazululo sezimali ezibolekiswayo:

• Senior Debt
• Mezzanine finance
• Equity finance

Imali ebolekiswayo iqala ku-R20 million, nohlelo lokukhokha isikweletu kusukela eminyakeni emihlanu kuya kwengu-12.

Ubani okwazi ukuboleka le mali?

Ukuze ukwazi ukubolekwa le mali ye-KZNGF, kunemibandela inkampani noma i-project okumele idlule kuyo:

• Ubhalisile ngokusemthethweni
• Uyilandele yonke imithetho efanele futhi uhlangabezana nemigomo yomthetho wezimali i-PFMA
• Ubunini benkampani yakho kumele bengabi ngaphansi kuka-51% enqubweni ye-BBBEE, lapha kubalwa no-26% bobunini babantu abamnyama abawumsinsi e-Afrika.
• Ngomsebenzi owenzayo, kumele kube nobufakazi bokuthi umnotho uzowukhulisa, imisebenzi izadaleka kanjani nanokuthi umnotho uzowusabalalisa kanjani ngendlela esiza wonke umuntu esifundazweni.

Imininingwane yokuxhumana:

Tel: 031 372 3720

I-imeyili: [email protected]

iwebhusayithi: www.kzngrowthfund.co.za