INandos yamukele abezicishamlilo ngedili likaMkhipheni
BEKUNGUBUMNANDI bodwa esikhumulweni sezindiza iKruger National kwamukelwa abezicishamlilo ebebeyolekelela ezweni laseCanada kusha amahlathi isithombe: SITHUNYELWE
INTANDOKAZI yesitolo sokudla INandos yenze okungajwayelekile yamukela izicishamlilo zakuleli esikhumulweni sezindiza zibuya eCanada.
Izicishamlilo ezingaphezu kuka-200 zagqama zibonakala zishaya ingoma nomdanso zilindele uhambo olubheke eCanada ngenyanga edlule.
Lezi zicishamlilo ezisebenza ngaphansi koMnyango wezaMahlathi, ukuDoba neMvelo, zashiya elakuleli zilibangise esifundazweni sase-Alberta, eCanada, ukuyolekelela ukubhula umlilo wequbula kusha amahlathi angaphezu kwamakhulu amahlanu.
Zithuke kabi zitheleka kwelakuleli esikhumulweni sezindiza iKruger International eMpumalanga, zamukelwa yizinkumbi zabantu nemindeni yazo.
INandos ithe kubalulekile ukubungaza ubuqhawe balezi zicishamlilo nokubonisa ubunye babantu baseNingizimu Afrika njengoba benze umsebenzi oncomekayo