Kuboshwe owaseSwatini ngensimu yensangu
|Published
INSIMU yensangu etholwe wumbutho wamashosa kwelinye lamapulazi asoPhongolo, kuboshwe owaseSwatini Isithombe: SANDF
UTHELE izithelo ezinhle umkhankaso wokubambisana kwamasosha namaphoyisa akuleli ngesikhathi kuboshwa owaseSwatini, esolwa ngensimu yensangu.
Ucilo uzishaye endukwini ngesikhathi amasosha akuleli ayisikhombisa, ophiko lwe-Infantry Battalion, ebhadama udeda ngendlale wensimu yensangu engamahektha aw-3 etshalwe epulazini iSitilo, oPhongolo.
Kuthiwa insangu enesisindo esilinganiselwa ku-500kg kanti ingathengiswa ngenani likaR2 100 000.
Kuboshwe owaseSwatini, okuthiwa ukuleli ngokungemthetho ngokutshalwa kwale nsangu.