Injabulo kuhoxiswa amacala kowayengungqongqoshe wezolimo

AHOXISIWE amacala abebekwe uMnuz Mandla Msibi, owayengungqongqoshe wezolimo eMpumalanga, nabahlanu asolwa nabo.

UMsibi, nasolwa nabo, bebebhekene namacala amabili okubulala nelilodwa lokuzama ukubulala. Ngo-Agasti 22 nyakenye kwadutshulwa kwabulawa uSindela Sipho Lubisi noDingane Ngwenya, kwalimala uMnuz Sifiso Mpila ngaphandle kwaseCoyote Shisa Nyama eMbombela.

Bonke abasolwa bebengaphandle ngebheyili kaR2000 umuntu emunye.

Namuhla bavele eNkantolo eNkulu yaseMbombela lapho okuvele khona ukuthi amacala ababekwe wona ayahoxiswa.

Okhulumela abeNPA eMpumalanga, uMonica Nyuswa, uqinisekisile ukuthi amacala ahoxisiwe okwesikhashana ngenxa yemininingwane engakatholakali nokuyinto evezwe ngabashushisi.

“Sibone kungcono ukuthi icala lingaqhubeki kukhona imininingwane eshodayo yingakho icala lihoxisiwe okwesikhashana. Uphenyo lusaqhubeka futhi abasolwa basanalo icala abangaliphendulela,” kusho yena.

Abalandeli bakaMsibi bebegcwele ngaphandle kweNkantolo eNkulu eMbombela. Kuzwakale inhlokomo nenjabulo ngokuhoxa kwecala lakhe.

Activities outside the Mpumalanga Division of the High Court in Mbombela where Mandla Msibi is expected to address his supporters.#MandlaMsibiandothers pic.twitter.com/U2wAomYsRJ

— Bulelwa Maphanga (@BulieeM) September 5, 2022

Mandla Msibi is about to address guys supporters who are gathered outside court. pic.twitter.com/CoUcRGnhou

— Bulelwa Maphanga (@BulieeM) September 5, 2022