Zimkhalele obanjwe nensangu engabiza uR500 000
INSANGU engamasaka ango-50 kg etholwe ngamaphoyisa aseDundee, kumlisa okuthiwa ubesuka e-Eastern Cape eya eGauteng Isithombe: Sithunyelwe
UZOVELA enkantolo namuhla oboshelwe ukutholakala nensangu engabiza uR500 000 eDundee.
Okhulumela amaphoyisa KwaZulu-Natal, uColonel Thembeka Mbele, uthe izolo amaphoyisa aseDundee, abemisa izimoto ezisesha emgwaqweni uKarel Landman ngesikhahti ebona iveni lidonsa isigadla.
Uthe le veni ibiya ngasemgwaqweni uDannhauser. Le moto kuthiwa ivinjiwe yaseshwa kanti kuthe sekuseshwa isigadla sayo, amaphoyisa athola amasaka ayisishiyagalolunye ango-50kg. Kuwona bekukhona insangu engu-450 kg engabiza uR500 000 uma idayiswa emgwaqweni.
UCol Mbele uthe ngesikhathi amaphoyisa ephenya, athole ukuthi le moto ibisuka e-Eastern Cape kanti insangu ibiyiswa eGauteng. Kuboshwe indoda eneminyaka engu 37 ngokutholakala nensangu, izovela eNkantolo yeMantshi eDundee namuhla.