Ibheyili kwabakhwabanisela owezemfundo

Sihle Mlambo|Published 4 years ago

KUBOSHWE abane ababeyizikhulu eMnyangweni wezeMfundo e-Eastern Cape, nomqondisi wenkampani ngamacala okukhwabanisa athinta uR59 million wokuthengwa kwezincwadi zesikole.

Kwababoshiwe owayeyisikhulu uNksz Noxolo Gwarube (50), oMnuz Mthunywa Ngonzo (58) owayeyinhloko yomnyango, Monwabisi Tywakadi (60) Tyrone Fourie (48) noHermanus Smith (47) umqondisi weSiegesmund Trust.

Bavele enkantolo izolo baphuma ngebheyili kaR5 000 kanti kumele babuyele enkantolo ngoJulayi.

Umnyango wawubeke uR209 million wokuthenga izincwadi zokufunda.

Okhulumela oKlebe e-Eastern Cape uCaptain Yolisa Mgolodela, uthe uGwarube wathola intshontsho lama-laptop amabili nomakhalekhukhwini kwiSiegesmund Trust.

Le nkampani yathola ithenda kaR59 million.

“UMnyango wezeMfundo waqolwa u-R59 million. Abasolwa abahlanu bazobuyela enkantolo ngoJulayi 8.”