Bafuna usheshiswe owomhlaba
UMengameli Cyril Ramaphosa uyalweseka uhlelo lokunikwa kwabalimi abamnyama umhlaba, athe luzosheshisa ukubuyiselwa komhlaba ngaphandle kwenkokhelo.
AMALUNGU ePhalamende afuna kusheshiswe uhlelo lokuchitshiyelwa koMthethosisekelo wokubuyiswa komhlaba ngaphandle kwesinxephezelo ngaphambi kokuphela kwalo nyaka.
Izifundazwe iLimpopo, Northern Cape, Western Cape zizoba nezigcawu okuzolalelwa kuzo imibono yomphakathi kulandelwa imithetho yomvalelandlini.
Ikomiti elibhekele ukubuyiswa komhlaba ePhalamende liqale umsebenzi walo emuva kokuthi uNgqongqoshe wezoLimo, ukuBuyiswa koMhlaba nokuThuthukiswa kweziNdawo zasemaKhaya, uNkk Thoko Didiza, enikezele ngomhlaba owu-700 000 wamahektha.
Umhlaba kahulumeni oqintile uzonikezwa abalimi abasathuthuka.
UMengameli Cyril Ramaphosa uyalweseka uhlelo lokunikwa kwabalimi abamnyama umhlaba, athe luzosheshisa ukubuyiselwa komhlaba ngaphandle kwenkokhelo.
UNkk Didiza ngeledlule uthe ubukhulu bomhlaba bulingana namapulazi awu-896.
USihlalo wekomiti, uDkt Mathole Motshekga, uthe kubalulekile ukusheshiswa kohlelo ngoba isikhathi esiningi sidliwe wukubheduka kweCorona.
Amalungu ePhalamende avumelene ngokuthi kuzovunyelwa ukuhlangana kwabantu abawu-400 lapho kuzohlanganyelwa khona.
Uthe eWestern Cape bangase bahlangabezane nezinkinga ngenxa yomdonsiswano wezepolitiki njengoba kukhona abangase bafake enkantolo ikomiti ngalolu daba.