Kusebenze R1.9bn kuliwa neCorona eKZN
UNGQONGQOSHE wezeziMali uMnuz Ravi Pillay othi iKwaZulu-Natal isisebenzise uR1.3 billion, njengoba kunempi yokulwa neCorona UNGQONGQOSHE wezeziMali uMnuz Ravi Pillay othi iKwaZulu-Natal isisebenzise uR1.3 billion, njengoba kunempi yokulwa neCorona
UNGQOGQOSHE wezeziMali KwaZulu-Natal, uMnuz Ravi Pillay, uthe iminyango kahulumeni isisebenzise uR1.9 billion njengoba kuliwa neCorona.
Ngesikhathi ethula isabelomali somnyango wakhe izolo, uthe ufisa ukuhlonipha obekhulumela i-ANC oshonile uMnuz Njabulo Ricardo Mthembu.
“Siyaqhubeka nokuzibophezela kwethu ngokubheka isimo sokusebenza kwemali ebekelwe ukulwa neCorona. Ngokwezibalo zethu ngokuhlukana kweminyango imali esetshenzisiwe ukulwa neCorona kuze kube uJulayi 15, imi kanje:
Umnyango kaMgcinimafa: R898 692, 38
Ihhovisi likaNdunankulu: R1 421 220,46.
OwezoLimo: R19 319 447, 35.
OwezokuHlaliswa kwaBantu: R1 807 007, 58.
UkuPhepha nokuXhumana koMphakathi: R768 032, 57.
OwamaSiko nobuCiko: R1 210 806, 00.
OweMisebenzi yoMphakathi: R1 970 574,67.
OwezokuBusa ngokuBambisana neziNdaba zoMdabu: R1 431 529,11.
OwezeMidlalo nokuNgcebeleka: R660 060, 22.
OwezokuThutha: R4 935 717, 45.
OwezeMfundo: R485 732 248, 63.
EwezokuThuthukiswa koMnotho, ezokuVakasha, nezeMvelo: R 7 193 242, 19.
OwezeMpilo: R1 398 913 255, 93.
OwezokuThuthukiswa koMphakathi: R54 159 320, 92.
Isiyonke ibe nguR1 980 421 155,46.
UPillay uthe iKZN isebenze kanzima ukulwa nalolu bhubhane.
Kwezemfundo uthe imali eningi isetshenziswe kulungiswa izikole ezacekelwa phansi ngesikhathi sikathaqa, ukulethela izikole amathoyilethi, ukuhlazwa kwazo, ukuletha amanzi
ezikoleni.
UPillay uthe ngesikhathi ethula isabelomali sika-2020/21, ngoMashi 6, washo ukuthi kuR390 million, uR190 million ubekelwe izinhlelo eziyisipesheli zokulwa neCorona.
UPillay uthe noma umsebenzi ababhekene nawo wokulwa neCorona ubukeka unzima kodwa ayikho indlovu esindwa umboko wayo.