Kuphasisiwe ukuqokwa komqondisi we-Ipid
UNGQONGQOSHE wamaPPhoyisa kuleli uMnuz Bheki Cele umemezele ukuqokwa kozohola uphiko oluphenya ngamacala asuke enziwe ngamaphoyisa akuleli i-Ipid UNGQONGQOSHE wamaPPhoyisa kuleli uMnuz Bheki Cele umemezele ukuqokwa kozohola uphiko oluphenya ngamacala asuke enziwe ngamaphoyisa akuleli i-Ipid
IKOMITI lamaphoyisa ephalamende likuphasisile ukuthi kuqokwe umqondisi omusha we-Independent Police Investigative Directorate (Ipid).
Izolo, ikomiti likuqinisekisile ukuphakanyiswa kwegama likaNkk Jennifer Dikeledi Ntlatseng ukuthi kube nguye ongena kulesi sikhundla salolu phiko oluqapha ukusebenza kwamaphoyisa.
Ukuphakanyiswa komqondisi omusha kwenziwe uNgqongqoshe wamaPhoyisa kuleli uMnuz Bheki Cele.
Lesi siphakamiso siza emuva kwezinyanga ezingu-16 emuva kokuthi uCele engakuncomanga ukuthi kuvuselelwe inkontileka yenhloko ye-Ipid uMnuz Robert McBride.
Lesi siphakamiso senzeka nje iHelen Suzman Foundation yacela ukuthi lokhu kuqokwa kumiswe njengoba kusadluliswe udaba lokungavuselelwa kwenkontileka kaMcBride.
UCele ekhuluma nekomiti, uthe uzamile ukuthi aphakamise igama likamqondisi omusha ngesikhathi ebesibekiwe kodwa ubengamtholi umuntu ofanele emuva kokuthi kukhangiswe lesi sikhundla izikhawu ezimbili.
Usihlalo wekomiti uNkk Tina Joemat -Petterson uthe ikomiti liyakweseka ukuphakanyiswa kozoba umqondisi kanti kunezingxoxo eziqhubekayo.
Uthe ophakanyisiwe uneziqu ezifanele nolwazi olwenele ngomthetho.